أبوذیّات من هنا و هناک
إعیونی إعلی إلأودهم دوم تمطر
علی إلغیّاب أحن بإلگلب تمطر
إشحلات إلونسه لو جو غیم تمطر
ألمطر بسمات یتصاقط علیّه
...
تحت دث إلمطر جالس ولفطر
إو سگه نهران دیرتنه ولفطر
مزهیه إلارض و إتبشّر ولفطر
فگّع کل مکان أکله إبشهیّه
...
طفل و إمربّی گلبی إو تحن شربیک
گمر تزهی إو زهیت إبخجل شربیک
أخافن تکبر إو تنغدر شربیک
أموت إو من تروح إتعم علیّه
...
ختل بیّه إلزمان إو باگ منوای
و إلا إلماساعدونی إختفوا منوای
أطفّی إبنار گلبی إبنای منوای
أضمّد بیه و أشل جرحی بدیّه
...
أطفالک زین درّبهم وعدهم
علی أطباع إلزلم جرهم وعدهم
إبعدهم من إلمخنّث وعدهم
إبتعد کل خطاء و إعیالک ربیّه
...
أون ونّت حمام إلدوح من ون
إو ذاتی روحی إو للبیه رده من ون
إلاخذ عگلی إو سبانی إو رحل من ون
إلیا دیره إستچن و أبعد علیّه
...
إبراسی أسمع أصوات إحساب منجر
یولفی گلبی هاوی إویاک منجر
تعب من کثر نوحه إعلیک منجر
دوا إبحسراته یتمنّه إلمنیّه
...
تحلّی بإلصبر یا روح ملچه
صدگ خلگچ تعب و إنضرب ملچه
ولاکن حبّه یمه إو صار ملچه
متی ما یحب و إیزوره إبهنیّه
...
بچه ولفی إتّصل و إیگول حنّیت
علیک إو ما أنام إللیل حنّیت
نزل دم من دموع إلعین حنّیت
ادیّه و إلعرس قادم علیّه
...
کنز حلمی سبایک ذهب ونباع
یکشف کل غریب إبلقب ونباع
إلغریب إیعیش بین إلشعب ونباع
کبش بس للذبح مایسوا دیّه
...
شاعر لو یفک إلعگل بسمه
إشویعر لو یضیف إلخلگ بسمه
شعرور إلیخوط إلفکر بسمه
خضر یابس یحرگه إبمسرحیّه
...
إلدّنیا إترحب إلنه من لغتنه
إلما وصلتنه کفرت من لغتنه
إلشعوب إتحسّدتنه من لغتنه
إبحرف إلضاد موصوف إبهنیّه
...
إلما یستحی إیغثنی مستحیله
إبعازاته إو یضحوچ مستحیله
روحی ما هوت له مستحیله
لأن صاحب مکر حیله إو اذیّه
...
إلصبر ما فاد بعده شلهمانا
شلت ربعی إعلی ظهری شلهمانا
حمل مرکب و أعانی شلهمانا
زین إو شینهم یثّر علیّه
...
إلروح إویاک سارت ونتگدهه
إبلم حشمک عمامک ونتگدهه
إلشجاعه إترید إهلهه ونتگدهه
إلدرب میسور طوف إهلال إلیّه
...
جاسم ثعلبی إلحسّانی 28/09/1400
:: برچسب‌ها:
أبوذیّات من هنا و هناک ,
:: بازدید از این مطلب : 895
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
